Succès de la manifestation pour l'amnistie à Ajaccio : la réaction de Gilles Simeoni
(A redazzioni d'Alta Frequenza) - Un successu pupulari ! Eccu comu si pudaria qualificà a mubilisazioni di ssu sabbatu dopu meziornu urganizata da l'Associu Sulidarità in Aiacciu à prò di l'annistia di i prighjuneri pulitichi. Parechji millai di parsoni ani marchjatu da a gara fin'è a piazza di u Diamanti, daretu à i striscioni "Amnistia" o ancu "Libertà per i patriotti". Ramintemi chì più di centu entità di a sucità civili, sindicati, partiti pulitichi, associ è attori culturali di Corsica è d'altrò aviani chjamatu à participà à ssa manifistazioni. L'Associu Sulidarità vulia chì ssa mubilisazioni si passessi in u calmu, a dignità è a ditarminazioni, ciò chì fù fattu. A maghjurità tarrituriali, purtata da u presidenti di l'Esecutivu è u presidenti di l'Assemblea di Corsica, era prisenti sana sana in Aiacciu. Pà Gilles Simeoni, più cà mai, a mubilisazioni larga è pupulari di ssu 24 di sittembri dimostra chì i prighjuneri pulitichi facini parti di a suluzioni pulitica d'insemi da fà chì a Corsica andissi ver di un avvena più bellu.
Eccu l'intervista di u presidenti di l'Esecutivu di Corsica.
