Stéphanie Simonpieri va défier le GR20 malgré son cancer
Fà veda chì a malatia ùn ni devi impona limiti, hè quissu u missaghju ch’idda vurria purtà Stéphanie Simonpieri. À 56 anni, issa parsona chì hè stata spinghjifoca vulintaria innanzi d’essa tocca da a malatia, si pati un cancaru stesu di l’ossa, cunsiquenza d’una ripresa d’un cancaru llu pettu.
Malgradu u cumbattu difficuli ch’idda faci contru à issa malatia chì a invadi, s’imponi, in una sala di u Ponte à a Leccia, addistramenti guasgi cutidiani, addati à a nicissità di pruteghja a so struttura ussea.
Aiutata da i spinghjifoca di u Cismonti è da a Marie-Do, hà da pruvà à fà l’Alta Strada di ghjunghju. Ben’intesa, li ci hà da vulè à essa attenti à veru à ùn cascà, ma mancu à pinsà la à lacà corra, chì hè purtata da a vulintà di fà la pà tutti l’altri malati.
Steti à senta à Stéphanie Simonpieri
