Stéphane et Amélie Colonna s'expriment après l'incendie de la paillote A Piaghja, à Carghjese
Ani riagitu Stéphane è Amélie Colonna, dopu ch’iddu sichi statu picciatu in Carghjesi u so stabilimentu, « A piaghja », in a notti da u 9 à u 10 d’aprili.
« Issu stabilimentu hè u nosciu travaddu chì sò 30 anni, è a noscia vulintà hè stata sempri quidda di travaddà in paci in Carghjesi », dici u so cumunicatu.
« Issi fatti sò cuntrarii in tuttu à i valori chì no’ purtemu, è cuntrarii à a noscia spiranza d’una sucità corsa appaciata, quidda chì no’ bramemu pà a noscia ghjuvantù.
Ci dumandemu, oghji, chì mutivazioni poni avè pruduttu un fattu cumpagnu ».
U cumunicatu ramenta chì dopu à a vardia à vista di Stéphane Colonna, pà un affari di stessa natura fattu in u 2020 à unu stabilimentu vicinu, hè statu rimissu in libartà senza carichi micca contru ad iddu. Meddu, certi elementi ani purtatu di manera pricisa à ùn metta lu in causa. L’affari era cunnisciutu da l’auturità ghjudiziari, ma quissi ani fattu quantunca a scelta, quidda volta, di publicà u so nomu.
Sur le même sujet
