STC : isoloir ou pas ?
(A redazzioni d'Alta Frequenza) - L'affari di a cabina eletturali, è ùn si parla micca d'alizzioni municipali, hà toccu calchì ghjornu fà u STC. Ind'u quadru di l'appruntera di u 20imu cungressu, chì sarà urganizatu d'aprili, dui currenti sò prisenti ind'u sindicatu, a maghjurità attuali purtata da Jean Brignole è una lista d'uppusizioni, quilla d'Alain Mosconi. Duranti una cunfarenza di stampa, u secretariu ghjinirali hà rammintatu chì u funziunamentu internu di un sindicatu ùn si passa micca in piazza publica è què com'elli a dicini i statuti chì ani inghjinnatu a so criazioni. A mancanza di trasparenza à l'uccasioni di u votu di i sfarenti muzioni, è l'assenza par asempiu d'una cabina eletturali, accusazioni purtati da a lista d'uppusizioni, sò stati risintuti propiu mali da a squadra dirighjenti, ciò chì spieca una chjarificazioni di quilli putenti.
Steti à senta à Alain Vigneron.
Sur le même sujet
