STC : début d'un mouvement de grève illimité à l'hôpital de Castellucciu
(A redazzioni d'Alta Frequenza) - Mubilisazioni larga ssu ghjovi matina davanti à l'Agenza Regiunali di a Saluta in Aiacciu di u STC di l'uspidali di Castellucciu chì, dopu à 9 ghjorni è 8 notti d'occupazioni di ssi casali, hà dicisu di principià un muvimentu di greva inde a struttura di saluta. Ramintemi chì u sindicatu dumanda un inviluppu di 2 millioni d'auri pà rializà travaghji urghjenti di riumanisazioni, eppo un antru di 3 millioni d'auri pà un prughjettu di psicugeriatria. Di pettu à pruposti di l'ARS intarvinuti marti à sera chì ùn bastani micca è à un silenziu scemu di u ministeru di a Saluta, u STC hà dicisu dunqua di fà crescia u muvimentu. Dui appuntamenti sò privisti dopu meziornu : unu cù a direzzioni di l'uspidali, l'altru cù quilla di l'ARS pà pruvà à fà cambià a situazioni.
Steti à senta à Maxime Serra, dilegatu sindicali STC Castellucciu.
Sur le même sujet
