Statut fiscal et social de la Corse : Le projet est en cours !
(A redazzioni d'Alta Frequenza) - Un statutu fiscali è suciali! Hè u prughjettu chì hè statu prisintatu arisera (marti) in u Palazzu di i Cungressi d'Aiacciu da u presidenti di l'Assemblea di Corsica è una parti di l'Esecutivu. Una quarantina di misuri pricisi sò stati prisintati à l'eletti, i socioprufiziunali è à membri di a sucità civili pà passà da un regimi dirugatoriu fattu d'incertezza, di misuri sfarenti è senza leia, à un vertu statutu fiscali è suciali, cuerenti è d'avvena chì saria urientatu ver di un sviluppu pruduttivu ammaistratu da i corsi. Quaranta misuri chì vani dunqua da un'azzioni nant'à a vita cara, da l'allucazioni cumpensatorii pà l'isulani, da calati fiscali è suciali ch'ella sighi pà l'impiegati è i patroni, fin'è a criazioni di cuntratti di travaghju novi, senza scurdassi di sicuru di l'Arrestati Miot. A riflessioni d'arisera hà da parmetta di sustena u ducumentu prisintatu da Ghjuvan Guidu Talamoni.
Steti à senta à Ghjuvan Cristofanu Angelini, u presidenti di l'Agenza di u Sviluppu Ecunomicu nant'à a filusufia di u ducumentu.
