SRDE2I : le sentiment de José Rossi
(A redazzioni d'Alta Frequenza) - U schema di sviluppu ecunomicu, d'innuvazioni è d'internaziunalisazioni, oramai cunnisciutu com'è u SRDE2I, hè statu aduttatu duranti a simana da l'Assemblea di Corsica. Ssu ducumentu, ed hè a brama di l'assemblea nova, voli essa u mutori d'un veru Riacquistu Ecunomicu è Suciali di a Corsica. Quissu quì batti à prò dunqua d'un sviluppu ecunomicu diversificatu è equilibratu arrimbatu à l'innuvazioni è l'ecunumia numerica. U risultatu di u votu, 30 à prò è 3 contru, ùn rispechja micca pà daveru a fisiunumia di i dibattiti. A diritta è a manca ùn ani micca datu u so parè pà raghjoni propiu upposti, postu chì una truvava u testu troppu "dirigistu" è chì l'altra à u cuntrariu u ghjudicava micca abbastanza pricisu è ditagliatu. José Rossi s'hè impignatu assai in ssu dibattitu.
Eccu u so sintimu nant'à un schema ch'ellu ùn hà micca vulsutu cundannà cù un innò.
