Sport - Gros plan sur l'AC Ajaccio futsal
(A redazzioni d'Alta Frequenza) - Si parla oghji d'una disciplina missa pocu in avanti in Corsica, u futsal, cù un club chì hà principiatu calchì simana fà a so avintura in Regiunali 1, l'AC Aiacciu futsal. Una furmazioni nata da un'adunita cù u Futsal Club di u Paesi Aiaccinu, l'anzianu Alata Futsal. Un prughjettu chì hè sbucciatu par via di a brama cumuna di demucratizà di più ssu sport nant'à l'isula, ma dinò di diversificà appena di più l'attività di l'ACA. U scopu hè di raghjunghja da quì à calchì annu i campiunati naziunali, com'elli l'ani fatta i clubs di Bastia è di Furiani.
Steti à senta à Mickaël Torre, u presidenti di l'AC Aiacciu futsal.
Sur le même sujet
