Soutien massif à la famille Cancellieri,à Ajaccio
Vennari à nantu à u portu Tino Rossi in Aiacciu, davanti à a biglittaria di a « Nave Va », ci hè stata una cunfarenza di stampa.
A famidda Cancellieri, i so sissanta cullaburatori – più di trenta di quissi issendu impiigati à l’annu – tanti altri sustegni ghjunti da Cori in Fronti, u PNC, l’associu Aiutu Patriottu, Femu a Corsica, Patriotti in Lotta, A Maffia Nò a Vita Iè, è uni beddi pochi di militanti naziunalisti for’d’ugni struttura erani chivi.
Ghjunti à marcà u so sustegnu dopu ch’iddu sichi statu picciatu un battellu di a cumpagnia, tutti si sò ditti impinsiriti da issi fatti, à pettu à i quali ùn si devi tacia a sucità corsa, è tutti ani vulsutu difenda a libartà di i impresi è à tempu una famidda corsa.
In l’edizioni à vena, pudareti senta intarventi è riazzioni.
Sur le même sujet
