Le Direct

SOS Médecins arrête ses activités pour 24h00

Via un cumunicatu, SOS Médecins voli averta i francesi : hè prugramata a sparizioni di i visiti in casa. Parvia di quissa, a federazioni d’associ di medichi libarali « SOS Médecins » hà dicisu d’ùn avè ni attività luni, in Corsica com’è in altrù.

I 63 associ SOS Médecins sò cuncirnati, è trà quissi quiddu d’Aiacciu.
Sinu à marti à 8 ori di mani, ùn ci ni sarà visiti, cunsultazioni o telecunsultazioni.

Hè rivindicata una crescita llu prezzu lli visiti in casa chì, « dipoi più di 15 anni, ùn bastani i mezi attribuiti, à veda ni i bisogna lli francesi è l’invichjà lla pupulazioni », dici u cumunicatu.
Cunsiquenza di issa svalutazioni lla visita : i medichi giniralisti s’impegnani menu in iss’attu, dici infini SOS Médecins.