Sondage Porto-Vecchio: la méthode en question
(A redazzioni d'Alta Frequenza) - Michel Giraschi, candidatu di a lista U Riacquistu di Portivechju, riagisci di manera viva contr'à u metudu di un istitutu di sundami chì travaghja in ssu mumentu annant'à a so cumuna. S'è a dumanda posta à u primu ghjiru ùn diragna micca à Michel Giraschi, hè u casu quandu a quistioni si poni pà ciò chì tocca u sicondu ghjiru, parchì l'istitutu di sundami faci solu una pruposta : "Mela o Angelini?" Michel Giraschi stima chì ssu metudu "ùn pò micca essa accittatu pà a demucrazia". Rammenta chì duranti l'ultimi tarrituriali, a so lista, cù 4% ind'i sundami, avia racoltu à a fini 10%.
