Soirées du Livre corse les 24 juillet et 7 août à Ajaccio
(A redazzioni d'Alta Frequenza) - Ogni istati, l'Associu di l'Editori di Corsica pruponi cù l'appoghju di a Cità d'Aiacciu dipoi più di vinti anni, è cù u sustegnu di a cullittività tarrituriali di Corsica, i famosi ghjurnati di u Libru corsu in Aiacciu. Più di quaranta autori è una dodecina d'editori di Corsica sò aspittati. L'uccasioni di sapè com'elli si portani a literatura è l'edizioni isulani è di scopra parechji decini di nuvità dipoi l'ultimu istati. Parchì si sà chì a pruduzzioni corsa hè ricca è assai dinamica. Dui dati erani privisti, u Vennari u 24 di lugliu di u 2015, piazza Foch è u Vennari u 7 d'aostu di u 2015 da 5 ori fin'è 11 ori. À mezu à l'editori prisenti, u publicu pudarà ritruvà i publicazioni d'Albiana, Clémentine, Edizioni Piazzola, Teramo, Sammarcelli, Anima corsa, Les Immortelles, Eoliennes, de Colonna éditions, DCL, Materia scritta è Le Parti des oiseaux... A spartera è u scontru sò dunqua i parolli maestri di ssa manifistazioni chì faci scopra dipoi sempri à i turisti a literatura corsa. Hè dinò l'uccasioni di un scontru cù u publicu corsu chì custituisci u sustegnu u più bonu di ss'industria quì. Parchì i Corsi sò grandi cunsumatori di libri, i chjuchi è i maiò duvariani truvà tuttu ciò chì li cunveni.
Steti à senta à Alain Piazzola, editori.
Sur le même sujet
