Socioprofessionnels corses à Matignon : l'avancée
(A redazzioni d'Alta Frequenza) - SNCM : l'altru cartulari maiò di u ghjornu, era ben intesu a cullata in Parighji di a dilegazioni di socioprufiziunali isulani chì hè stata ricivuta dopu meziornu da sperti di u Prima ministru eppo da Manuel Valls stessu inde l'Hôtel Matignon. Rammitemi chì quissi quì sò cullati à pona annant'à u scagnu ministiriali un quaternu di rivindicazioni, arrimbati annant'à i preghjudizii di a greva è un pianu di cumpensazioni à vena. Pari chì i socioprufiziunali sighini partuti piuttostu cuntenti da ss'intrattenu, parchì un accordu hè statu trovu pà metta in ballu un sistema d'indennisazioni. Si parla di a sparghjera di i carichi patrunali à u 2ndu trimestru, è di sguassà ssi listessi carichi pà u 3zu trimestru.
Steti à senta à Paul Trojani, presidenti di a Camara di Cumerciu è d'Industria di Corsica Suprana, chì facia parti di a dilegazioni.
Sur le même sujet
