Soccia : un jeune homme en garde à vue
(A redazzioni d'Alta Frequenza) - Un omu di 27 anni hè in guardia custodia dipoi ssa dumenica in principiu di dopu meziornu, dopu a scuparta ssu sabbatu d'un omu feritu d'una manera murtali da balli in A Soccia, in Corsica Suttana. Sicondu u prucuratori di a Republica d'Aiacciu, Eric Bouillard, ssu capraghju, un paisanu, saria statu designatu, dopu à l'inchiesta di vicinanza, com'è una parsona chì pudaria avè un ghjustificativu, senza tirà malgradu tuttu cunclusioni troppu in furia. Ci sò verificazioni in ssu mumentu. Ramintemi chì a vittima, Patrick Julien, patronu di un'intrapresa, elettu municipali è presidenti di un associu fundariu pasturali, hè statu ritrovu mortu nant'à u so arnesi di cantieru, mentri ch'ellu facia travaghji pà metta un locu à pianu nant'à una strada pà cullà fin'è u lavu a Crena. L'investigazioni cuntinueghjani.
Sur le même sujet
