SNCM: toujours pas d'issue au conflit
(A redazzioni d'Alta Frequenza) - Nisun suluzioni hè stata trova pà u cunflittu chì dura dipoi 7 ghjorni à a SNCM, senza viaghji nè attività ind'a cumpagnia. Ssu luni, u presidenti di Transdev, azziunariu maghjuritariu di a SNCM, hà scuntratu in Parighji i raprisintanti di u gruppu nurveghjanu Siem Industries, chì s'intaressa propiu à a cumpagnia pà investiscia. Quissu quì pudaria ripighjà a participazioni di Transdev chì dici ch'ellu hè prontu à dalla pà un costu simbolicu è escia di fattu da u capitali di a cumpagnia; ùn si sà nulla par avà annant'à ssu sughjettu. Pà contu soiu, i parsunali ani apartu arisera, dopu à un'assemblea ghjinirali, discussioni cù u cabinetu di u ministru di i Trasporti. Ss'ultimi aspettani oramai una risposta ufficiali, spirendu l'urganisazioni da u Statu di una riunioni trà tutti l'azziunarii di a SNCM par ammintà l'avvena. Inchietudini chì sò di più in più forti ind'è i sindicati, par asempiu par via di a minaccia di l'azziunariu maghjuritariu di metta a sucità in prucedura cullettiva à u tribunali di cumerciu pà ciò chì tocca i prublemi "aurupei".
Steti à senta à Frédéric Alpozzo, pà a CGT di i marinari di a SNCM.
Sur le même sujet
