SNCM/Meridionale :rien ne va plus selon la CGT
(A redazzioni d'Alta Frequenza) - Ùn ci hè micca statu u miraculu di l'annu novu ind'a SNCM cù a greva, principiata marcuri, chì hè stata prulungata arimani dopu à un'assemblea ghjinirali nova di i parsunali. U blucchimi hè tutali stavolta, parchì u Danielle Casanova chì era sempri in mari, hè vultatu in Marseghja. Pari chì u cunflittu, u veru, sighi bè ingaghjatu oramai cù u guvernu, parchì i 30 millioni d'auri posti nant'à a tola appena in urghjenza, ùn cacciani micca l'inchietudini di i parsunali. L'affari ùn duvariani micca cambià di manera pusitiva nanzi à a settimana chì veni, postu chì l'alti rispunsevuli sò in vacanzi in ssu mumentu; eccu a critica ch'ella faci a CGT di i marinari di a SNCM è ciò ch'ella cundanna.
Emi chjamatu à Frédéric Alpozzo dopu à l'assemblea ghjinirali di ghjovi da mani.
