SNCM : les esprits s'échauffent
(A redazzioni d'Alta Frequenza) - Par via di a campagna eletturali di l'aurupei, i presi di pusizioni à diritta è à manca sò à buzeffu ss'ultimi ghjorni pà ciò chì tocca l'avvena di a SNCM. L'infurmazioni i più cuntradittorii viaghjani ind'a stampa naziunali pà a ripresa da l'uni, l'impegnu finanziariu da l'altri, ind'u scopu di rimetta annant'à a via ghjusta a cumpagnia. Pà falla finita cù ssu cumbugliu mediaticu, Paul Giacobbi s'hè missu in evidenza oghji (marti) à l'Assemblea naziunali. 800 millioni d'auri, à pocu pressu, pà quattru battelli novi è rimetta in anda a cumpagnia, ùn si trova micca d'una manera cusì faciuli, Paul Giacobbi l'hà ditta forti è cù forza, hè impussibuli di pinsà à ssa suluzioni. Hà fattu oghji a pruposta franca è chjara di metta a SNCM sottu à a prutezzioni di u Tribunali di Cummerciu pà rinnuvà di modu prufondu a cumpagnia. U presidenti di l'Esecutivu l'avia dighjà ditta davanti à l'Assemblea di Corsica, a so prifarenza và ver di a criazioni di una sucità d'ecunumia mista chì parmittaria di tena u cuntrollu annant'à a ricustruzzioni o a custruzzioni di a cumpagnia dilegataria di serviziu publicu.
Steti à senta l'intarvinzioni di Paul Giacobbi dopu meziornu duranti i dumandi à u guvernu.
Sur le même sujet
