SNCM : le STC Marinari entre en grève illimitée
(A redazzioni d'Alta Frequenza) - A mossa sindicali chì tocca a SNCM, dighjà matirializata da una greva di i marinari fora di u STC s'intensificheghja. In fatti, mentri chì neguziazioni privisti ssu marcuri in u ministeru di i trasporti inghjiru à u pianu suciali chì devi tuccà a cumpagnia trà raprisintanti sindicali, u Statu, TRANSDEV è u pruprietariu novu di a cumpagnia, Patrick Rocca, sò stati annulati, u STC Marinari ùn hà micca aspittatu pà riagiscia. È ssa riazzioni si traduci da un'intrata in greva subbitu è illimitata di i marinari di u sindicatu corsu, chì dinunzia una brama di u guvernu è di TRANSDEV "di vulè fà impeghjuriscia u cunfilittu pà liquidà a SNCM", u STC chì dumanda dinò a ripresa in furia di neguziazioni pà guarantiscia i cundizioni i più boni di disimpiegu pà l'impiegati tocchi da u pianu suciali è a serenità di quilli chì firmarani.
Sur le même sujet
