Le Direct

SNCM : le STC décide d'arrêter la grève

(A redazzioni d'Alta Frequenza) - In un cumunicatu, u STC di i marinari di a SNCM faci sapè ch'ellu dicidi di piantà u muvimentu di greva principiatu parechji ghjorni fà. L'urganisazioni sindicali ramenta ch'ella era intruta in greva "pà pisà di pettu à a Direzzioni è à u Guvernu". Dopu avè uttenutu u Pianu di Salvezza di l'Impiegu chì limitessi i disguasti, a missa in ballu da u ministru di i Trasporti di una Cumissioni di seguitu in Corsica è in Marseghja sottu a direzzioni di u Statu cuncirnendu i disimpiegati eppo una lettara di Brussels parmittendu a discuntinuità ecunomica di a SNCM, u STC cunsidareghja chì ssi punti "poni parmetta a ripresa di u travaghju". Da un'antra banda, u sindicatu aghjusta chì cuncirnendu u PSE, quissu quì devi benefizià par essa appiegatu, di un accordu maghjuritariu. "U STC, chì ùn hà nisun rispunsabilità pà ciò chì tocca a sparizioni di a SNCM, ùn lu signarà micca è què malgradu u travaghju ch'è no avemi pussutu fà pà arricchiscia ssu ducumentu. Pinsemi ch'ellu ùn ci apparteni micca, di pettu à a nostra raprisintatività, di purtà a rispunsabilità di a partenza di centunai d'impiegati vulintarii o micca."