SNCM : la région PACA prête à s'engager auprès d'un repreneur
(A redazzioni d'Alta Frequenza) - À a vigilia di l’asamini spiratu da u tribunali di cummerciu di Marseghja di i quattru ufferti pà a ripresa di a SNCM, a regioni Provence Alpes Côte d’Azur hà scrittu arimani (luni) à ssu listessu tribunali. Faci sapè ch’ella hè pronta à ingaghjassi à fiancu à un pruprietariu novu pussibuli. U presidenti di l’esecutivu attuali di a regioni PACA, Michel Vauzelle, dici in fatti à u presidenti di u TC di Marseghja : «Vi facciu dunqua cunnoscia a brama di a Regioni di pighjà (…) tutta a so parti cù l’altri cullittività tarrituriali cuncirnati di manera diretta da ssu cartulari, pà a ripresa di a SNCM ». Privedi d’ingaghjà « i furmalità nicissarii à a participazioni di a Regioni PACA à un’ufferta di ripresa di a SNCM ind’è u tribunali di cummerciu di Marseghja, à fiancu à un uparatori industriali seriu, in u quadru di un’ufferta glubali chì teni l’unicità di a cumpagnia è purtendu annant’à u perimetru suciali è industriali u più largu pussibuli trà Paca, Corsica è u Maghreb, in un quadru ecunomicu d’avvena ».
Sur le même sujet
