SNCM en grève : il décide de rejoindre la Corse en velonautic !
(A redazzioni d'Alta Frequenza) - Eccu una manera propiu strana di schisà a greva di a SNCM. Sicondu Le Dauphiné Libéré, Stéphane Eon, un omu di 43 anni, hà dicisu di ghjunghja in Corsica... cù una bissicletta ! Dopu meziornu à 2 ori, s'hè lanciatu annant'à a so bissicletta nautica, calcosa chì s'assumiglia à un pedalò. Dopu essa partutu da Palavas les Flots pà andà fin'è Fréjus, Stéphane Eon passarà pà parechji altri lochi (Grau du Roi, Marseghja, Tulò, Fréjus) prima di navigà in Mediterraniu fin'è Calvi. Sarà suvitatu da un battellu chì li darà da chì bia è magnà. Li prighemi curaghju è forza ind'u so viaghju difficiuli.
Sur le même sujet
