SNCM à 1 euro : la position de Marc Dufour
(A redazzioni d'Alta Frequenza) - Hè una ghjurnata assai particulari chì s'hè vissuta oghji (ghjovi) à l'Assemblea di Corsica, o piuttostu da u cantu di a cummissioni di u sviluppu ecunomicu. In fatti, a pruposta fatta da Gérard Couturier, u presidenti di u cunsighju di survighjenza di a SNCM di lacà i parti di Veolia, pà un Auru simbolicu hà fattu l'effettu di una bomba, mentri chì oghji a cummissioni ricivia i sindicati è i dirighjenti di i cumpagnii. Pruvucazioni di Veolia o vulintà di sarrà a Cullettività di Corsica ind'i so cuntradizzioni, si ni sà appena di più stasera. U grandi mumentu di a ghjurnata, ben intesa, era l'audizioni di Marc Dufour, chì duvia à l'ingrossu assuma i dichjarazioni furtissimi di Gérard Couturier. Pari chì l'affari sia bè ghjustu, a SCNM cunfirmeghja bè u sensu palisatu da a famosa lettara.
Écoutez Marc Dufour, président du directoire de la SNCM.
Sur le même sujet
