Situation Corse - Paris et élections présidentielles : Corsica Libera appelle les Corses à ne pas aller voter dimanche
Vennari, Corsica Libara hà fattu una cunfarenza di stampa in Aiacciu, davanti à a prifittura.
U muvimentu hà parlatu di l’annunciu, fattu da parigi, di a fini lli discussioni cù a Corsica.
« Issi dichjarazioni ci mosciani u cinismu di parigi, da quand’iddi sò cumenci issi mubilisazioni.
Sinu ad oghji, u statu francesu ùn n’hà datu segnu lla so vulintà d’ingagià si in un prucessu storicu, ma hà marcatu a so azzioni in l’ughjittivu à curtu andà di u mantinimentu di l’ordini è di u gistimentu di crisa, à l’affaccà di l’alizzioni prisidinziali », dici u muvimentu.
Corsica Libara ni chjama à u muvimentu naziunali tuttu, ch’iddu circhi a via d’un prughjettu cumunu, senza limiti missi capu nanzi da u statu.
U muvimentu, chì hà ramintatu i fundamintali d’un niguziatu, dumanda à « tutti i corsi chì si ricunnoscini in l’idea naziunali d’ùn andà à vutà pà u primu ghjiru lla prisidinziali francesa, duminica ».
Steti à senta à Petru Antonu Tomasi.
