Situation au Liban : l'inquiétude du prêtre Louis el Rahi
Sò parichji ghjorna chì l’armata israeliana bumbarda senza pichju u Libanu, ch’iddu si tratti di Bairutta o d’altri loca di u paesu, circhendu à tuccà u Hezbollah.
Dipoi u setti d’uttrovi llu 2023 è l’attaccu di u Hamas, più di 1 200 libanesi sò stati tumbi da l’armata israeliana, è un libanesu par cinqui cuntati hè dispiazzatu ad oghji.
Hè una situazioni dramatica, masimu quand’iddu si hè luntanu da i soi.
Louis El Rahi, chì hè preti in Balagna, t’hà sempri una bedda parti di a so famidda in u paesu di u cedru.
À liveddu umanitariu, cù i tanti imbarghi chì toccani u paesu – è ancu à liveddu suldarinu – hè difficiuli par avali pà u preti è u so associu « Le Cèdre Corse » di purtà aiutu à a pupulazioni libanesa.
Par contu soiu, una di i primi urgenzi saria di ristabilì culandi l’accessu à l’aducazioni pà i ziteddi.
Steti à senta à Louis El Rahi.
