Sisco : le procureur général rejette la requête de dépaysement du procès
(A redazzioni d'Alta Frequenza) - U prucuratori generali di Bastia hà righjittatu ssu ghjovi a dumanda di spaisà u prucessu dittu di Siscu fatta da certi avucati d'accusati. Franck Rastoul hà stimatu chì di sicuru, ci sò stati parechji riazzioni, pulemichi è manifistazioni inghjiru à ssu prucessu, ma chì tuttu què ùn pudia ghjustificà di spaisà l'audienza. D'appressu à ellu, si cambia di locu pà un prucessu quandu u corsu nurmali di a ghjustizia hè cambiatu, ciò chì ùn hè micca u casu pà ssu prucessu in currizziunali, sempri sicondu u prucuratori generali. Franck Rastoul hà aghjustatu ch'ellu hè meghju in più di què chì u ghjudici naturali chì hè quillu di u tribunali currizziunali di Bastia pudissi asaminà un affari chì hà avutu un rimbombu impurtanti à u nivellu lucali. U prucessu si duvaria apra dunqua dopu meziornu in Bastia nurmalamenti.
Sur le même sujet
