Sirviziu cardiulugia di l'uspidali d'Aiacciu : u STC faci crescia u cunflittu
(Michaël Andreani - Alta Frequenza) - Hè guasgi una simana chì l'impiegati STC di u sirviziu cardiulugia di l'uspidali d'Aiacciu sò in greva. Ramintemi chì u sindicatu dumanda l'impiegu di un parsunali d'aiutu di pettu à salariati chì sò di più in più stanchi. Malgradu parechji riunioni, frà altru vennari scorsu cù a direzzioni di l'uspidali, sottu à a direzzioni di l'Agenza Regiunali di a Saluta, ùn c'hè nulla di novu pà i militanti di u STC chì aspettani sempri una risposta di l'ARS. In tutti i casi, u cunflittu hà francatu una tappa nova ssu luni da mani cù u blucchimi di i casali di a direzzioni di l'uspidali.
Steti à senta à Françoise Cinarca, dilegata sindicali STC.
