Série d'attentats contre des grandes surfaces en Corse
(A redazzioni d'Alta Frequenza) - Seria d'attentati stanotti (luni) in Corsica. Sò grandi magazeni chì sò stati tocchi. Versu mezanotti è vinti, si hè intesa una splusioni da u cantu di u Leclerc Rocade d'Aiacciu, suvitata guasgi subbitu, da un'antra ind'u Géant di Mezavia. Deci minuti dopu, u Decathlon è u Leclerc Drive di Baleone sò stati tocchi anch'elli da una carica splusiva. À tempu, trè magazeni Leclerc erani tocchi in Bastia, Alistru è San Fiurenzu. In tuttu, setti attentati sò accaduti ind'un tempu assai cortu ind'i dui dipartimenti. Ad ogni volta, i disguasti sò pochi. Sò l'intrati chì sò stati tocchi soprattuttu. Nisun parsona hè stata ferita. A pulizza ghjudiziaria è a sizzioni di ricerchi di a gendarmeria sò incaricati di l'inchiesta. Nisun firmatura o rivindicazioni hè stata trova nant'à i sfarenti lochi.
Sur le même sujet
