Sénatoriales : Julia Sanguinetti veut porter haut les couleurs du camp progressiste
(A redazzioni d'Alta Frequenza) - Aduniscia i forzi di manca, eccu u scopu di Julia Sanguinetti pà l'alizzioni senaturiali di Corsica Suttana. A candidata d'Europe Ecologie les Verts raprisintarà inde ss'alizzioni a manca micca cumunista, vali à dì ch'ella purtarà i culori d'EELV, di Corse Social Démocrate, di u Partitu Sucialistu, di u PRG è di u gruppu Aiaccini. Par essa pricisi, si trattarà bè di sustegni è micca d'investitura tali è quali. A candidata è u so suppleenti Tumasgiu D'Orazio purtarani altu i culori di a famighja prugressista; eccu a so difinizioni in un'alizzioni chì si faci rimarcà propiu suventi da un prucedimentu demucraticu micca troppu "classicu". Una rumpitura dunqua cù l'anzianu sistema purtatu da Nicolas Alfonsi, è un impegnu furmali di a famighja prugressista à prò di una manca "chì si batti, diversa è adunita".
Steti à senta à Julia Sanguinetti.
