Semi-liberté pour Alain Ferrandi : les réactions
Dopu cuncessa a meza libartà à Alain Ferrandi, sò stati parichji l’associ o rispunsevuli pulitichi à riagì via i reti suciali.
L’associu Sulidarità pidda attu « di a dicisioni di meza libartà cuncessa à Alanu è chì ùn hè, dopu à 24 anni di prighjunia, chè una appiicazioni di u drittu. Sulidarità aspetta oghji a libarazioni di tutti i patriotti, ciò chì pirmittaria d’avanzà in a via d’una suluzioni pulitica ».
Marie-Antoinette Maupertuis, a prisidenti di l’assemblea « pensa in prima à a famidda, chì aspetta issa dicisioni da quandu hè. Hè ancu un beddu riparu pà i corsi, è par quiddi chì tenini à u rispettu llu drittu. A ghjustizia devi essa sempri imparziali pà i prighjuneri ».
Jean-Christophe Angelini, u prisidenti di u gruppu PNC à l’assemblea, saluta « un attu di drittu, di ghjustizia è di paci. Ma ancu un gestu puliticu à veru, chì permetti d’apra i porti di u sperà ».
Julien Morganti, u prisidenti di u muvimentu « Un Futur Pour Bastia », dici chì « a Corsica prova à vodda una di i più bughji pagini lla so storia. Issa dicisioni hè appiicazioni di a legi è di u drittu. Hà da permetta d’avanzà à nantu à a via d’un appacià glubali, ch’iddu si spera difinitivu ».
Sur le même sujet
