Sécheresse : pas d'urgence, mais...
(A redazzioni d'Alta Frequenza) - U bon sensu è l'arristati prifitturali, pò viaghjà certi volti ! À u cuntrariu d'altri prublematichi impurtanti pà a Corsica, com'è quilla di i rumenzuli, pari chì duranti certi situazioni difficiuli, i citadini t'avissini un cumpurtamentu civicu. Hè ciò chì s'hè passatu cuncirnendu a gistioni di l'acqua, parchì malgradu l'inchietudini forti cumunicati di veranu scorsu, infini, a situazioni si prisenta propiu meghju di pettu à ciò chì si timia. I cunsighji è i dicisioni amministrativi avariani datu i so frutti, parchì ind'u meziornu livanti a situazioni s'hè migliurata abbastanza. L'inchietudini chì spuntavani cuncirnendu u matrali di U Spidali sò svaniti, ancu s'è a prudenza a più maiò ferma quantunqua. Listessa affari in Balagna, induva i riservi parmittariani quì dinò di passà u restu di a statina cù sirenità.
Steti à senta à Saveriu Luciani, u presidenti di l'Uffiziu idrolicu di a Corsica.
