Sécheresse et vent fort : l'emploi du feu temporairement interdit en Haute-Corse
(A redazzioni d'Alta Frequenza) - Sicchia è timperaturi assai alti : a prifittura di Corsica Suprana hà presu un arrestatu liatu à u ventu forti chì hà da suffià nant’à u dipartimentu. In ssu cumunicatu, a prifittura chì s’arremba à Météo France faci sapè chì « un episodiu di ventu forti da punenti à meziornu punenti hè aspittatu pà ssu 6 di ghjunghju in fin di matinata à i punti stremi di l’isula, eppo s’hà da rinfurzà di manera prugressiva nant’à u dipartimentu sanu da Capicorsu fin’è a Balagna, nant’à i cresti di u latu urientali cù valori trà 70 è 90 chilometri à l’ora, o ancu 100 chilometri à l’ora duranti a notti chì veni è fin’è marcuri u 7 à meziornu ». È d’aghjustà chì « ss’episodiu di ventu cù a sicchia forti inghjenna un risicu altu di focu. Faci chì u prifettu, cù un arrestatu di u 5 di ghjunghju di u 2017, hà dicisu di pruibiscia di manera tempuraria di fà fochi à tutti i parsoni pà i 48 ori chì venini ».
Sur le même sujet
