Sécheresse : comment les maires gèrent-ils la situation ?
Una sittimana fà, vidindu i privisioni pessimi pà a distribuzioni d’acqua in Cismonti, Patrick Sanguinetti, u merri di Brandu, hà fattu una lettara salita pà certi abitanti lla so cumuna. À senta lu, certi famiddi – sariani pocu, anc’assà – cunsumariani vinti volti a quantità nurmali d’una casa ugni ghjornu.
Issi sciffri dicini una bedda inciviltà, chì i merra t’ani u so chì fà à ammaistrà la.
Eppuri provani à sinsibilizà la, a pupulazioni, masimu ch’in parichji paesa i canalisazioni si facini vechji è finghjini. In certi paesa, cuntori ùn ci n’hè ancu, è tandu ùn hè cusì asatta à valutà, a cunsumazioni.
Comu gistiscia la, issa situazioni ? Qualissi ni sò i risichi ?
Steti à senta a risposta d’Ange-Pierre Vivoni, u merri di Siscu è prisidenti di l’associu di i merra llu Cismonti.
