SCB-ACA-GFCA : des milliers de Corses s'abonnent pour la future saison
SCB-ACA-GFCA : des milliers de Corses s'abonnent dans toute la Corse
(A redazzioni d'Alta Frequenza) - À calchì ghjornu di a ripresa di i campiunati di ballò prufiziunali, femi un puntu annant'à i campagni d'abbunamentu di i trè clubs corsi prufiziunali in Liga 1 è in Liga 2. Oghji, u SC Bastia t'avaria à pocu pressu 6.000 abbunati, ciò chì ferma un numaru impurtanti, ma menu cà l'anni scorsi, ancu s'è i sustenidori di u SCB t'ani sempri fin'è u 13 di sittembri pà pudè abbunassi. U SC Bastia trapassarà o micca pà a staghjoni chì veni torna i 10.000 abbunati ? Inde l'AC Aiacciu, chì t'avia 5.000 abbunati a staghjoni passata in Liga 1, s'hè trapassatu stamani (marcuri) i 2.500 fans, è què à una quindecina di ghjorni di a prima partita di a staghjoni in casa. Sarà assai difficiuli, o ancu impussibuli, di ghjunghja à u risultatu d'annu. U club cunsidareghja chì si ghjunghjarà à 3.000 abbunati duranti u mesi d'aostu. A falata in Liga 2 spieca forsa ssa calata. Ci voli à rilativizà malgradu tuttu, in 2010-2011, duranti a so ultima staghjoni in Liga 2, l'ACA t'avia solu 2.000 abbunati. U numaru u più altu pà a Liga 2 hè dunqua dighjà statu battutu. Infini, u 16 di lugliu, u GFCA annunziava annant'à u so situ internet chì si cuntava più di 1.000 abbunati. À una sittimana di a so prima partita in casa contr'à Valenciennes, u GFCA spera ch'ellu battarà oramai u risultatu storicu di l'annu 2012.
Sur le même sujet
