Scandola: le risque, peut-être
(A redazzioni d'Alta Frequenza) - Una tacca maiò d'idrocarburi hè stata scuparta duranti a ghjurnata à u largu di a Corsica. Si sparghjaria da Scandola fin'è u largu di a Balagna è saria à più di una decina di chilometri di a ripa. Dimu la di manera chjara, ùn si tratta micca di una catastrofa marittima, nè di un petrulieru à a deriva chì pudaria purtà ind'è noi un scempiu eculogicu maiò. Pari ch'ella sia un battellu chì avissi eliminatu ss'idrocarburi, un affari chì si pruduci par disgrazia tutti i ghjorni ind'u Mediterraniu, ancu assai vicinu da a Corsica. I primi infurmazioni cunnisciuti ind'a ghjuranta, chì pariani annunzià u peghju, sariani divintati appena di più misurati. Pari chì a tacca d'idrocarburi si caccessi à pocu à pocu di modu naturali è in più di què, un ventu assai favurevuli di nordu livanti manda ssa tacca ver di u largu. A marina naziunali hà quantunqua mandatu sopralocu i mezi tennichi nicissarii, ma par avà hè difficiuli di pricisà chì sò i mezi esatti missi in ballu.
Sur le même sujet
