Le Direct

Sarratura di u guvernu nant'à a cuufficialità : Parlemu Corsu ùn cappiarà micca

(Michaël Andreani - Alta Frequenza) - "A lingua di a Republica, hè u francesi" ! Ssa riturnella eterna hè stata torna è senza surpresa cantata mentri a ghjunta a simana passata in Corsica di a ministra pà u ministru di l'Internu, Jacqueline Gourault. Di sicuru, s'hè aparta soca una finestra pulitica, cù a pussibilità pà l'isula d'inserisciasi inde a futura riforma pussibuli di a Custituzioni. Inveci, i famosi "ligni rossi", chì Manuel Valls tinia cusì cari duranti i cinqui anni di presidenza di François Hollande, fermani, frà altru pà ciò chì tocca u sughjettu di a cuufficialità di a lingua corsa. Pà Micheli Leccia, u presidenti di u cullittivu Parlemu Corsu, ci hà da vulè à cuntinuà a lotta pà fà piegà u guvernu nant'à ssu cartulari essenziali, mittendu à tempu dighjà in ballu un sistema parallelu pà sviluppà di più l'usu di u corsu inde a sucità, è què senza aspittà chì Parighji muvissi.

Steti à senta à Micheli Leccia.