Santé : on accélère le rythme
(A redazzioni d'Alta Frequenza) - A tarriturialisazioni di i servizii di saluta! Era u tema di a cunfarenza di stampa urganizata stamani (marcuri) da Dominique Blais, u direttori di l'agenza righjunali di saluta. Pighjendu in contu i difficultà di spiazzamenti liati à a geugraffia di l'isula, l'Agenza hà custruitu a riurganisazioni di i servizii di saluta nant'à a nuzioni di tarritoriu. Trè grandi zoni inghjiru à l'uspidali di Bastia, d'Aiacciu è di a Clinica di Purtivechju sò stati ritinuti da pudè sparta à u meghju u tarritoriu ma dinò di manera efficaci l'arnesi. Puntu di primura di issa riurganisazioni, a criazioni di un uspidali d'eserciziu sanu in Balagna, un uspidali di vicinanza com'è quilli di Sartè è di Bunifaziu. Altru puntu impurtanti, si n'hè parlatu assai, a cunfirmazioni di a criazioni nant'à a piaghja urientali di un medipolu inghjiru à l'antenna di u SMUR, u serviziu mubili d'urghjenza è di rianimazioni. Infini l'ARS hà cunfirmatu stamani chì a terza IRM sarà bè stallata in Purtivechju, a custruzzioni finali di u prughjettu sarà chjosa da quì à calchì ghjornu.
Philosophie de la politique de santé en Corse avec Dominique Blais, directeur de l'ARS.
Sur le même sujet
