Santa Maria di Lota a inauguré son nouveau groupe scolaire
Apartu in urgenza pà a riintruta llu 2023, hè statu inauguratu in fin’di sittimana passata u gruppu scularu di Santa Maria di Lota.
S’accoddi 133 ziteddi sparti in sei classi di materna è scola primaria, è t’hà a capacità di riceva una classa in più in materna è in primariu, par casu ch’iddu ci volga parvia di l’effettivi.
Hè custatu 4,9 miliona, finanzati da u statu, a cullittività di Corsica è a CAB.
U gruppu scularu hà da riceva da quì à pocu lastri fotovultaichi.
Hè statu beddu longu à vena issu prughjettu, prupostu in u 2011 è compiu in u 2023 : i scelti pulitichi di l’anziana squadra di a CAB, è u COVID subitu dopu, n’ani stinzatu u tempu.
Malgradu tuttu, hè bedda allegra a cumuna d’essa ci infini ghjunta.
Steti à senta à Guy Armanet, u merri di Santa Maria di Lota.
