Sangliers : une battue administrative se déroulera ce dimanche dans certains secteurs d'Aiacciu
Duminica in Aiacciu, trà setti ori di mani è quattr’ori llu dopu meziornu, ci hà da essa una caccia mossa amministrativa à u signari, in i circonda di u Stilettu, di Petralba è di u Vaziu.
L’azzioni si faci suttu à l’auturità llu prifettu, è hè purtata da a cità, dopu ch’iddu achi spostu una muzioni u merri, è ch’idda sichi stata vutata in cunsigliu municipali, u 25 di nuvembri.
I signara ch’avvinghjini in cità, ùn hè un affari novu, è vali par parichji i righjoni. Cù a crisa sanitaria è i passati di cunfinamentu, l’animali sò turrati à curra in centru cità, è à intarissà si à l’attività umani.
I so danni sò trimendi, in i spazii publichi è i risidenzi.
Un’arghja di sicurità hà da essa difinita, ind’idda ùn c’intrarà a pupulazioni, chì hà da duvè rispittà issa misura, ancu pà i siti di spassighjata i più avvinti.
Pulizza municipali, pulizza intercumunali è pulizza naziunali sarani supr’à locu.
Parvia d’issu dispusitivu, certi traghjetti pudariani essa mudificati.
Sur le même sujet
