San-Martino-di-Lota : un programme immobilier en cours de réalisation suscite la polémique
Photo d'archive
Un palazzu di 23 piana, à fior’di cuddetta, pedi in acqua, è cù una ghjunta diretta à nantu à u rinaghju : eccu u prugrama immubiliari Pietramare, chì a so rialisazioni hè stata attaccata calchì sittimana fà in San’Martinu di Lota.
U prughjettu, matriculatu aghjà dipoi u 2015, si hè affaccatu à luci da quand’iddi sò sò stati iniziati i travadda, è via una fotò publicata pà issi reti suciali.
L’aienti llu locu si sò affesi d’una custruzzioni cumpagna, chì botta in un locu chì, par disgrazia, a si sfranca di a legi litturali.
Issa custruzzioni hè fatta à nomu di u prumutori francesu Peak to Peak.
Certi muvimenta pulitichi, com’è Cori in Fronti, dinunciani issu prugrama, chì i so alloghja poni tuccà i 7 000€ à u metru quadratu. Issi prezza chivi, sò pochi i corsi à pudè li pagà, à senta à Cori in Fronti.
In quantu à l’uppusizioni municipali, rigreta chì a cumuna ùn s’achi compru u tarrenu, da fà ci altri affari, è parchì micca un centru ricriativu.
Steti à senta à Olivier Sigurani, elettu d’uppusizioni in San Martinu di Lota.
