Sampiero Corso-Vannina d'Ornano : un drame familial et historique en bande dessinée
(A redazzioni d'Alta Frequenza) - Una figuretta annant'à Sampieru Corsu hè isciuta ind'è l'edizioni DCL. Dopu u primu episodiu, surtitu annu è chì si chjamava "Le Colonel", u sicondu s'intituleghja stavolta "Vannina d'Ornano". Com'ellu a dici u so nomu, l'autori amentani a rilazioni difficiuli trà Sampieru Corsu è a so moglia Vannina. Annant'à disegni pricisi è di qualità d'Eric Rückstühl, spicialistu in a materia, Frédéric Bertocchini ci pruponi quì un scenariu storicu assai pricisu, induva aldilà di u drama famigliali, l'autori ci porta ind'i cunflitti pulitichi è militari corsi di a Rinascita. Da a guerra contr'à i Ghjenuvesi, à l'allienzi francesi è turchi passendu pà a fini o a resistenza di i grandi citadelli di Corsica, Aiacciu, Calvi, Bastia, Bunifaziu, i lettori scoprini grazia à ssa figuretta i drami di a Corsica di u 16imu seculu.
Steti à senta u scenaristu, Frédéric Bertocchini.
Sur le même sujet
