Saint-Florent et Corte ont fêté leur carnaval
Photo : Mairie de Saint-Florent
Duminica, era ghjornu di festa in San’Fiurenzu : chjuchi è maiori ani participatu à u carnavali prupostu è urganizatu da a cumuna.
À dui ori, a filara hè partita da u culleghju, è longu à issa ghjurnata fistiva, sò stati uni beddi pochi l’animazioni.
Parichji ziteddi, cù i so parenti, sò stati d’iss’evenimentu.
In Corti, hè duratu dui ghjorna u carnavali. L’ughjittivu primu di fà campà u cori di a cità in duminicata, fora di staghjoni, hè statu toccu. Da dui ori à undici ori è mezu lla sera, u sabbatu è a duminica, sò stati beddi numarosi i Curtinesi à truvà si à nantu à u cursu Paoli.
Ghjenti d’altrondi, ci n’hè statu più chè annu.
Participanti è ghjenti di passaghju ani pussutu goda si un beddu spittaculu : a fila di parichji carri, chì ani avvintu u carrughju principali lla cità.
