Saint-Florent : des habitants excédés par la gestion de l'après-intempéries
(A redazzioni d'Alta Frequenza) - Una vintina d’abitanti di a cumuna di San Fiurenzu hà occupatu duranti una parti di ssu ghjovi à sera a casa cumuna. Volini fà cunnoscia a so scuntintezza cuncirnendu a gistioni di l’affari dopu à u gattivu tempu di nuvembri da a parti di a cumuna, postu ch’elli si sentini tralasciati è ch’elli sò inchieti dinò par via d’elementi com’è affari accatastati vicinu à un fiumi. Dopu à l’intarvinzioni di u merri, Claudy Olmeta, l’occupazioni s’hè compia, ma postu chì a discussioni trà i dui parti ùn hà micca cuntintatu l’abitanti in zerga, quissi quì ani privistu una manifistazioni nova ssu vennari da mani.
Sur le même sujet
