Saint-Florent : découverte d'une importante cache d'armes, un homme placé en détention provisoire
Duminica, Arnaud Viornery, u prucuratori lla ripublica di Bastia, hà dittu ch’idda erani stati trovi armi intanati in quantità, in San’Fiurenzu.
À senta ni u prucuratori, una inchiesta, fatta da a pulizza ghjudiziaria in u quatru d’una infurmazioni à mutivu d’impurtazioni, fabrica è pussessu d’armi, hè sbuccata à nantu à a scuparta d’un lucali piattu, didicatu à a fabrica di munizioni è à a muntera d’armi à focu.
U lucali era stallatu in un cuntinitori, chì a so intruta n’era intarrata.
In drintu, i sirvizia lla pulizza ani trovu parichji pressi à munizioni, mascini da usinà pezzi mitallichi, armi di pugnu, armi longhi è millai di munizioni.
Sò stati trovi dinò pezzi d’armamentu, gilecchi, scudi è elmi balistichi.
U prupriitariu llu lucali hè statu missu in asaminu è in ditinzioni pruvisoria.
Cù a inchiesta, si circarà à sapè sè issu matiriali era par venda.
Si tratta chivi d’una scuparta inedita, ch’idda sichi par ciò chì tocca à a tana, o à a quantità d’armi è di mascini.
