Rythmes scolaires: du rythme dans les tensions
(A redazzioni d'Alta Frequenza) - A missa in ballu di i novi ritimi sculari à a riintrata 2014 ind’i cumuni chì ùn sò ancu à falla par avà, inchieta assai certi parenti d’elevi ma dinò certi eletti. L'attività perisculari ubligatorii ind'u quadru di ss'accunciamentu di u ritimu sculari sò u centru di u prublema. In fatti, parechji cumuni cunsidareghjani chì metta in piazza ss’attività saria una carica assai pisiva à suppurtà, troppu pisiva diciarani certi. Laurent Marcangeli pà contu soiu, chì avia dighjà fattu cunnoscia a so upinioni nanzi à l'alizzioni, hà participatu dopu meziornu à una manifistazioni urganizata contr'à ssa riforma. Ssa manifistazioni s'hè compia davanti u Retturatu di Corsica, duva u rettori d'Accademia avia privistu di dà una cunfarenza di stampa à quattru ori è mezu. Una cunfarenza di stampa appena disturbata da i manifistanti chì ani impiditu una parti di i ghjurnalisti d'entra in u Retturatu. I mezi tennichi parmittendu oghji di passà accantu à ssi difficultà, hè dunqua pà telefunu ch'è no avemi intervistatu à Michel Barat. Quissu quì era particularmenti annarbatu contr'à l'impidimentu di l'eserciziu di a libertà di a stampa. Hà micca bè risintutu dinò chì u merri d'Aiacciu purtessi ssa manifistazioni fin'è sottu à i so finestri. Michel Barat l'hà ditta forti : farà tuttu par chì a legi sighi rispittata.
Steti à senta u rettori d'Accademia.
Sur le même sujet
