Rixe de Corte : deux mises en examen
(A redazzioni d’Alta Frequenza) - Dopu à a litica di Corti ind’a notti di vennari à sabbatu, dui parsoni sò stati missi in asamini arimani (luni). U prucuratori di a republica di Bastia hà apartu un’infurmazioni ghjudiziaria pà « prova d’assassiniu cù carattaru razzistu, infrazzioni à a legislazioni nant’à l’armi, piattati di provi è viulenzi gravi ». I dui ghjuvanotti missi in asamani sò urighjinarii di u Sud Est di a Francia ; erani in Corsica cà dipoi un mesi. Avariani, sicondu a ghjustizia, circatu un gruppu di ghjovani d’urighjini maruccana, cù parolli razzisti, sempri d’appressu à Dominique Alzeari. Iss’ultimu hà pricisatu d’altrondi chì l’arma usata (sicondu a ghjustizia un 9 mm) ùn hè ancu stata ritrova. Hà aghjustatu dinò chì dopu à a prima litica, à a pistola, i dui agressori pinsati sariani vultati sopralocu, armati, stavolta di un fucili di caccia. L’inchiesta hè stata cunfidata à a gendarmeria.
Sur le même sujet
