Rixe de Bonifacio : l'enquête se poursuit
(A redazzioni d'Alta Frequenza) - L'inchiesta cuntinueghja dopu chì un ghjovanu spignifocu vulintariu di 22 anni sighi statu feritu da balli marcuri, versu dui ori è mezu di mani in Bunifaziu. Ramintemi chì i fatti sò accaduti, sicondu i testimonii, annant'à u parking in faccia à u picculu portu, u ghjuvanottu pruvendu à spiccà parsoni duranti una baruffa chì era principiata vicinu à un stabilimentu di notti. A vittima, chì ghjunghji da a Corrèze, ferita gravi sottu à u pettu, hè stata uparata arimani (marcuri) in Aiacciu. S'è u so statu era sempri ghjudicatu com'è seriu arimani dopu meziornu, si saria stabilizatu quantunqua. L'autori di i fatti hè sempri ricircatu da l'inchiestadori. A brigada di gendarmeria di Purtivechju è a sizzioni di ricerchi d'Aiacciu sò in carica di l'investigazioni.
Sur le même sujet
