Rixe à Corte : une personne légèrement blessée
(A redazzioni d'Alta Frequenza) - Una parsona hè stata appena ferita, stanotti (di vennari à sabbatu) in Corti. Sicondu i primi elementi, cumunicati da a Prifettura di Corsica, i fatti sariani accaduti à l'isciuta di un stabilimentu di notti di a cità paolina. Saria à a seguita di una litica. Quissa quì cuncirnava parechji parsoni. U prucuratori di a republica di Bastia pricisava, pà contu soiu, chì issa litica viulenti, era accaduta trà prutagunisti d'urighjini maruccana pà certi, di u meziornu livanti di a Francia, pà l'altri. I servizii inchiestadori è u ministeru publicu provani oramai à ricustituiscia u sfilà di a sirata, è soprattuttu à sapè in chì circustanza a sparata, chì hà toccu appena a vittima in capu, hè partuta. S'hè imparatu dinò, da u ministeru publicu 2B, chì dui parsoni sò stati arristati in principiu di sirata. Pudariani, d'appressu à Dominique Alzeari, essa prisintati à a ghjustizia.
Sur le même sujet
