Risque incendie important en Corse
(A redazzioni d'Alta Frequenza) - I cundizioni meteurulogichi annunziati pà i ghjorni à vena nant'à l'insemi di a Corsica (ventu forti fin'è 80 chilometri à l'ora ; sicchia di a vegetazioni) t'ani par cunsiquenza un risicu di fochi eccezziunali, in particulari nant'à i monti di Piana, Bavedda è Illarata, Verghjellu, Manganellu, di u Fangu, furesta di Bunifatu è tarritoriu di l'Agriati, è marosuli forti. Di pettu à risichi pussibuli pà a ghjenti chì và à spassighjà, i prifetti di i dui dipartimenti ani dicisu di pruibiscia l'accessu à parechji lochi di muntagna. Da dumani (sabbatu) matina à luni à sera sò pruibiti in Corsica Suttana : l'accessi à i pisti è a circulazioni à pedi drentu à i lochi i PIANA, BAVEDDA è ILLARATA è dinò a circulazioni nant'à u GR 20 trà Bavedda è Conca ; u staziunamentu di qualsiasi veiculu u longu di a RD 81 trà l'intrata di a pista d'accessu à u stadiu di PIANA è u ponti d'intrata à a via di Dispenza da sottu à a "Tête de chien" ; a circulazioni è u staziunamentu u longu di a D 268 (BAVEDDA). Pà a Corsica Suprana, sò pruibiti l'accessi nant'à i camini è pisti à l'interni di i lochi muntagnoli di VERGHJELLU, MANGANELLU, di u FANGU, furesta di BUNIFATU è tarritoriu di l'AGRIATI.
