Risque incendie : fermeture du massif forestier de Bavedda
Par via di u focu chì curri à nantu à a cumuna di Quenza, è di a so evuluzioni ch’impinsirisci à veru, masimu cù u ventu è i caldamoni, u prifettu lla Corsica hà presu uni pochi di misuri di sicurità accizziunali, da pruteghja a pupulazioni è i squadri mubilizati.
À parta si da luni, è sinu à ch’idda venga una infurmazioni altra, hè difesa di ghjunghja in furesta di Bavedda, ch’idda sichi in vittura, in bissicletta o à pedi.
Sò difesi ancu i travadda agriculi è furistini.
Parichji elementi facini ch’idda hè sinsibuli bè a situazioni : u ventu, aspittatu issi pochi ghjorna, pudaria accillarà a prugrissioni di u focu è impidì a intarvinzioni di l’elicottari.
Bavedda hè un situ fraquintatu monda, è quissa hè una cumplicazioni pà l’uparazioni di sicurità.
I squadri di lutta contru à i incendia sò aghjà beddi mubilizati, è quissa imponi un gistimentu beddu strintu di i meza dispunivuli.
A SD 268 hè chjusa à circulazioni è staziunamentu, trà u pasciali di Bavedda è u ponti di Calzatoghju.
A circulazioni à pedi hè difesa ancu idda, à parta si da tutti i punti di ghjunta à u situ di Bavedda, da a SD 268 sinu à u ponti di Fiumiceddu.
Si hè fatta cansà a strada via a ST 10( A Sulinzara – Portivechju) è a SD 368 (Portivechju – Zonza).
