Risque incendie : Fermeture de divers massifs en Haute-Corse
(A redazzioni d'Alta Frequenza) - I servizi di Météo France privedini pà ssu luni a prisenza sempri impurtanti di u ventu, chì hè ghjiratu da nordu à nordu livanti duranti a nuttata, chì diventa sinsibuli nant'à u liturali urientali ma dinò in Balagna è versu Scandola induva i buffulati sò di manera tempuraria trà 50 è 60 chilometri à l'ora. Malgradu ssu ventu da nordu, i timperaturi fermani sopr'à i nurmali trà 27 è 31 gradi. Ss'episodiu di ventu, cù a sicchia forti di a vegetazioni, manteni u risicu di focu di furesta à un nivellu altissimu. Di pettu à ssu risicu spertizatu da assai siveru à siveru in Balagna è à punenti di l'Agriate, a circulazioni nant'à i chjassi è i stradi senza catramu di i lochi di muntagna di u Fangu, di u tarritoriu di l'Agriate è di a furesta di Bunifatu hè pruibita à i parsoni è à i vitturi da ssu luni à 7 ori di mani fin'è ssu marti à 7 ori di mani. A furesta cumunali di Pinia, dinò in risicu assai siveru, hè sarrata da un arrestatu municipali pà 24 ori.
Sur le même sujet
